IBINUNYAG kahapon ng Department of Education (DepEd) na mas mahusay sa Math, Science at English ang mga public elementary students sa Visayas region kumapara sa mga taga-Maynila.

Inihayag ni DepEd Assistant Secretary Camilo Montesa na ito ang lumitaw sa pinakahuling resulta ng national achievement test na isinagawa ng kagawaran noong nagdaang taon para sa grade six students bilang preparasyon sa high school.

Ayon kay Montesa, ang mga estud-yante sa Eastern Visayas ay nakakuha ng score na 72.6% sa math, 69.97% sa English at 63.74% sa science habang ang mga estudyante naman sa National Ca-pital region ay nakakuha lamang ng score na 56.9%, 57.59%, at 52.8% sa math, science at English.

Pumuwesto ring pang-8 ang mga mag-aaral ng NCR sa 17 rehiyon kung saan ang Caraga ay pumangalawa habang ang Autonomous Region in Muslim Minda-nao ang pumangatlo.

Ipinaliwanag ni DepEd Officer-in-charge Fe Hidalgo na ang nasabing kahusayan ng mga nasabing mag-aaral sa tatlong pangunahing subjects ay ma-tutukoy sa paggamit ng mga ito ng bilingual language.

Idinagdag niyang nahihirapan naman sa pagsasaulo o komprehensiyon ang mga estudyante partikular na sa English bilang 'mode of instruction'.

Samantala, ayon pa kay Montesa, kailangang itaas ang sahod ng mga guro upang lalo ng mga itong pag-ibayuhin ang kanilang pagtuturo.

Naniniwala siyang ang pagdaragdag sa suweldo ng mga titser ang tanging paraan upang mapaganda ang kalidad ng edukasyon sa bansa.
************************************************** *******
IMO ..madami lang ako nakakausap mga taga Cebu at Bacolod mas sanay mag-english compare sa Tagalog..