How do you handle bad service?

**AnuVaYan** · September 7th, 2007 06:53 PM

Sa mga kainan maraming kaso nito. Halimbawa may nakasabay ako sa isang fast food chain nag-order ng meal na may package na softdrink. E kaso sira yung mixer nung fast food chain, so nag offer naman itong si cashier kung gusto daw niya e juice na lang or iced tea, so um-oo naman yung mama, tapos nung nagbabayad na, kulang daw ng P10 yung bayad niya. Nakipag argue naman yung mama, e hindi ko naman gusto yung juice na yan e kaso kayo naman ang hindi makapag deliver sa package na offered ninyo e kaya hindi dapat ipasa sa customer yung kulang. Which sa tingin ko makes sense. Pero in the end kahit masama sa loob nung mama, siguro naisip din niya na 10 lang din naman yun e binayaran na rin niya.

Yung hipag ko naman nag order ng green mango shake sa Italliani's. Pag dating ng order ay three mango shakes ang dumating. Ang argument naman ng waitress ay ni-repeat order naman daw niya so dapat doon pa lang ay ni cancel na yung 3 mango shakes (which leads to another question, do you always listen when they read back your order?). Nakipag talo pa rin yung hipag ko pero in the end naawa naman siya dun sa waitress kasi sila daw magbabayad nun so binayaran na rin nila.

Ako naman pinaka matinding experience ko, pasensyoso akong tao, pero grabe namuti ang mata ko kahihintay ng order ko sa isang kainan sa Antipolo, hindi ko matandaan kung sa Padi's ba yun or sa isang katulad nun, medyo matagal na rin nangyari. E kaya naman pala namumuti na yung mata ko kahihintay ng order ko, e out of stock pala yung na order ko at nalimutan naman akong i-inform nung waiter na wala pala akong pagkain na hinihintay.

**chua_riwap** · September 7th, 2007 07:07 PM

Ako inirereklamo ko agad yung bad service.

Like yung nangyari sa Kabalen. Yung fried chicken nila sa buffet, ILADO! May amoy na. Nireklamo ko yun, pero inalis lang nila yung mabahong fried chicken. Parang walang nangyari.

Mula noon di na kami kumain sa lintek na Kabalen na yan. (Makati branch).

**_Qwerty_** · September 7th, 2007 07:17 PM

sa china.. hiningi ko yung bill.. pag balik.. may dalang beer!

sa Dad's buffet din.. minsan sa hapon.. nilalabas lang nila ulit yung natira nung lunch.. yung laing natyempuhan ko.. amoy panis na.. tinawag ko yung manager.. sabi ko panis na.. at lilipat na lang kako kami.. na maraming nakarinig.. tapos we left..

sa jollibee naman breakfast.. nabuhusan yata nang asin yung garlic rice.. aba sobrang alat... eh wala pa daw plain rice.. i asked for a refund..

sa KFC naman malimit may dugo pa yung chicken.. sinasauli ko.. kinakain ko muna yung balat syempre.. nangyari na naka 3 palit.. lahat may dugo.. nagpa refund na lang din ako

**AnuVaYan** · September 7th, 2007 07:22 PM

Meron pang nangyari sa amin, hindi naman kainan, sa AstroPlus. Kasi pumunta kami ng Baguio, tapos wala kaming maisip na magandang ipasalubong sa mga bata, so naisip namin bili na lang ng siguradong magugustuhan nila (toys). E tamang tama may nakita kaming cartridge ng TMNT sa AstroPlus sa SM Baguio, syempre pina test naman namin doon, tapos tinanong namin kung if in case e may nakitang defect someother time e kung pwede ipalit sa ibang branch. E pwede naman daw so binili na namin. Tapos nung nandito na sa manila nilalaro na, hanggang level 1 lang pala gumagana tapos nag ha-hang na, so naghanap kami ng AstroPlus na may stock ng TMNT na gameboy cartridge, tapos nakakita kami sa Robinson's Galeria. Pag dating namin doon, ang sabi nung attendant e hindi daw pwede ipalit, with a matching smug attitude. Nanginginig na ako sa galit, hindi dahil sa ayaw niyang palitan, kundi dahil sa katarayan nung babae. Ang dami pang sinabi kesyo dapat daw e tinest namin doon, e sabi ko tinest naman namin, pero syempre hindi namin sinubukan hanggang sa matapos medyo matagal din yun no? Sabi ko o sige pakausap na lang sa supervisor or manager. Sya lang daw ang humahawak doon sa games section, wala siyang manager.

Tinawagan ko yung kausap ko sa Astro Baguio. Kasi syempre isa sa kanila either nagsisinungaling or hindi alam kung ano ginagawa niya. Sabi naman niya pwede daw. Tapos tinawagan niya yung nag ha-handle sa Gale, ayun maya maya lang pinalitan na. Hindi siya makatingin ng diretso sa amin, pero hindi din siya humingi ng dispensa, hindi din siya nag explain. Ako naman nanginginig pa rin sa asar pero hindi ko na lang pinatulan, kasi kasama namin yung dalawang tsikitings away ko sila maka witness ng argument.

**_Qwerty_** · September 7th, 2007 07:38 PM

tandaan nyo sa mga ganyan.. the customer is always right.. kasi may pinanghahawakang business yang mga yan.. ayaw nila masira.. so kung sa palagay nyo tama kayo.. eh di pagpilitan nyong tama kayo..

meron pa akong isang experience sa Office1 store.. bumili kami nang shredder.. eh mali yung info na binigay nung babae.. sabi nung babae.. yung model daw na yun eh crisscross.. tapos di ayos na.. by phone lang.. nag order na tapos nung nideliver.. ay di pala crisscross.. eh nakaalis na sila.. so tawag agad ako.. sabi ko mali.. eh ni accept na daw.. ayaw pumayag palitan at hindi naman daw sira.. so i emailed their country manager.. ayun.. same day pinalitan..

sa sony din.. may promo sila 5 years ago.. pag bumili daw nung digicam.. ang nakalagay sa website extended yung warranty to 3 years.. tapos nung bumili ako.. 1 year lang daw warranty.. sabi ko eh ano yung nakalagay sa website.. eh typo daw.. aba.. so nag reklamo ako dito sa office nila sa enterprise... pinuntahan namin yung website.. ayun 3 years nga nakalagay.. ay typo nga daw.. so binago nila.. pero they honored the 3 years extended warranty sa akin, nagpasalamat pa yung head for letting them know daw na may typo don sa website nila..

**totoybato** · September 7th, 2007 08:50 PM

sa manager ako nagrereklamo, o kaya naman to someone na mas mataas ang rank dun sa hindi ko nagustuhan ang service

**Airwalk** · September 7th, 2007 10:48 PM

bad service? i let the wife do the talking

**VtEC** · September 7th, 2007 10:52 PM

cancel my orders and leave specially sa mga resto.mahirap na at baka kung ano ilagay sa inorder mo e.

**iamkristopher** · September 8th, 2007 01:30 AM

a. Tama si customer. Besides, baka raket lang yung sirang mixer. Aba, +10 sa bawat customer malaking bagay yun ha. Baka isang regular pay dun na nila makuha.

b. Dapat manager na kinausap dito kasi isa ito sa mga trabaho niya. Plus, hindi siya direktang apektado dun sa pagkakamali ng nagserve. Anyway, dapat lang na makinig kapag inulit yung order kasi ginawa nga iyan para maiwasan yung mga ganitong scenario.

c. Madalas mangyari sakin iyan, tipo bang overworked na salivary glands mo sabay bitin.

Kapag sobrang palpak ng isang kainan, cancel lahat ng order para kwits sa abala. Mahirap na, baka kung anu anong makain ko. Minsan yung iba sobrang k**** hahabulin ka pa at makikipagtalo. Talk to the hand syempre, wala naman silang magagawa. Plus, sa malamang naturuan mo sila ng leksyon kasi sila sila maghahati hati dun. Paano nalang kung 2k+ yung bill mo? Tulad nung nakatabi ko sa isang Chinese resto na nag-alburoto din. :lol:

**businessman** · September 8th, 2007 01:42 AM

Originally Posted by VtEC

cancel my orders and leave specially sa mga resto.mahirap na at baka kung ano ilagay sa inorder mo e.

Pareho tayo bro, ako I call the highest ranking officer and tell them the problem then I cancel my order coz usually gumaganti ung mga waiters & servers (by using secret signs to their kitchen crew counterparts) na lagyan ng dura, ihi, etc. I don't even accept vouchers, rebates, discount cards, etc.

Then I find some connection to the head office/owner/president and tell them personally of the incident para magawan ng paraan at hindi na maulit to other customers.