Depektibo ang lahat ng TOYOTA REVO SR 1.8 EFI at dapat itong i-recall!

**eyescube** · April 23rd, 2004 06:35 PM

Depektibo ang lahat ng TOYOTA REVO SR 1.8 EFI at dapat itong i-recall!
By:TULFO

Kung pagbabasehan ang reklamong natanggap ng SHOOT TO KILL mula kay
Ben Ong at sa marami pang motorista, ang lahat ng de-gasolinang
TOYOTA Revo SR. 1.8 EFI, automatic, ay dapat i-recall dahil sa
designed problem.

Ang problemang dulot ng factory defect na ito ay ang pagiging malakas
at mistulang imbudo sa pagkonsumo sa gasolina ng nasabing modelo at
ang fuel knock o tupi na kakambal nito'y hindi kayang i-repair.

Ang pagkakamali ng Toyota, mabigat na nga ang kaha ng SR 1.8 EFI,
dahil sa cladding na nakapalibot sa frame nito, binigyan pa ito ng
automatic transmission. At dahil maliit lamang ang engine, hirap na
hirap ang makina na patakbuhin ang unit at ang resulta ay ang
pagiging malakas na konsumo nito sa gas.

Ayon sa mga reklamong natanggap namin laban sa SR 1.8 EFI, pumapatak
na apat na kilometro lamang ang naitatakbo nito sa isang litrong
gasolina kumpara sa ibang kaparehong Asian Utility Vehicle (AUV) na
gawa ng ibang manufacturer na tumatakbo ng hanggang dose na kilometro
sa bawat litro.

Pero ang pinakamatinding reklamo ng mga nagmamay-ari nitong mga
depektibong SR 1.8 EFI ay ang palpak na customer service na
ipinamumukha at ipinapatikim ng Toyota sa kanila sa tuwing sila'y
magrereklamo.

Ayaw aminin ng Toyota ang kapalpakan sa disenyo ng nasabing modelo
dahil kapag ginawa nila ito, libu-libong unit ng SR 1.8 EFI ay
kinakailangang isauli at bigyan ng kapalit na bagong unit at modelo
ang mga nakabili nito.

At kapag ito'y nangyari, daan-daang milyong piso ang malulugi sa
Toyota. Pero ang pinaka-negative effect kapag ni-recall ang nasabing
modelo ay magkakaroon ito ng matagalang epekto at tuluyang masisira
na ang dating magandang reputasyon ng nasabing Japanese car
manufacturer at magdudulot na ito ng pagbagsak sa sales sa lahat ng
sasakyang gawa ng Toyota sa mga darating na taon!

Sa kaso ni Ben Ong, binili niya ang kanyang SR 1.8 EFI sa Toyota UN
Avenue at ang mismong General Manager at Vice President nito na si
APOLINARIO SANTOS ang umamin kay Ong na siya raw ay namomroblema rin
sa kanyang SR 1.8 EFI. Inireklamo rin ni Santos kay Ong ang pagiging
imbudo sa gasoline ng kanyang unit.

Ang remedyong ginawa ni Santos para sa reklamo ni Ong ay pina-check
niya ang sasakyan sa kanilang service supervisor na si JOJO BUGARIN.
Pero hindi naayos ni Bugarin ang problema kaya ipinasa ng Toyota UN
ang reklamo ni Ong sa planta ng Toyota sa Cabuyao.

Dalawang Japan-trained technician na sina BENJIE DIONELA at ROMMEL
RAMOS ang nagtulung-tulong inspeksyunin ang sasakyan. Sa
rekomendasyon nina Dionela at Ramos, pinalitan ang gas tank ng
sasakyan ni Ong dahil ito raw ang may problema. Pero matapos
mapalitan ang tangke ng gasoline, naroroon pa rin ang sakit sa ulo ni
Ong sa kanyang SR 1.8 EFI.

Dismayado na si Ong kung kaya'y iniakyat na niya ang kanyang reklamo
sa Department of Trade and Industry (DTI) at nagpadala na siya ng
sulat dito noong February 5, 2004. At noong March 11, 2004, lumiham
kay Ong ang Toyota at hiniling sa kanya na dalhin ang kanyang unit sa
kanila at kung maaari ay ire-evaluate daw nila uli ang kanyang
sasakyan!!!

Pero hindi lamang si Ong at ang General Manager at Vice President ng
Toyota na si Apolinario Santos ang may problema sa kanilang nabiling
SR 1.8 EFI dahil matapos kong maisulat dito noong nakaraang taon ang
problema ni Ong, binaha kami ng e-mail at tawag sa telepono. Lahat ng
nakipag-ugnayan sa amin ay nagsabing parehong-pareho ang problema
nila sa problema ni Ong at ni Santos.

Ang iba sa kanila ay nagsabing ibinenta na lang nila ang kanilang
unit ng palugi para mawalan na sila ng sakit ng ulo.

**109** · April 23rd, 2004 07:36 PM

is there such thing as 'recall' dito sa pinas?

sana naman magkaroon o maimplementa dito ang batas na nangangalaga sa karapatan ng mga consumers katulad sa Amerika.

**boybi** · April 23rd, 2004 08:46 PM

any comments from Revo 1.8 owners here?

**gearspeed** · April 23rd, 2004 09:22 PM

Hirap pala magkaroon ng Revo..Ganda pa naman ng features meron palang sakit sa loob...

Oo nga dapat magkaroon ng batas para sa karapatan ng mga consumers katulad sa Amerika...

**eyescube** · April 23rd, 2004 10:08 PM

Buti na lamang Diesel yung akin... tsk...tsk..tsk
No wonder ang Classified Ads/buy & sell section bumabaha ng REVO Gas.

**Walter** · April 23rd, 2004 10:57 PM

Toyota never claimed that the 1.8 liter gasoline engine is fuel efficient. I don't think that's enough reason for a recall.

It's just another example as to how some personalities abuse the power of media.

**boybi** · April 23rd, 2004 10:59 PM

Originally posted by Walter
Toyota never claimed that the 1.8 liter gasoline engine is fuel efficient. I don't think that's enough reason for a recall.

It's just another example as to how some personalities abuse the power of media.

sino bang meron brochure ng revo? usually nakalagay sa description ng engine yung word na 'efficient'. lusot ang toyota kapag walang word na 'efficient' dun sa brochure.

**109** · April 24th, 2004 12:20 AM

maybe that's one reason kaya ipe-phase out na ang REVO name, papalitan daw ng pangalan ang AUV ng toyota starting january2005 according to an insider

**pissword** · April 24th, 2004 12:33 AM

baka naman Kijang ang ipalit hehehe

**kiper** · April 24th, 2004 03:06 AM

what kind of fuel mileage would you expect from a puny 1.8 L gasoline engine partied with an automatic transmission?

minsan di na nag-iisip itong si pareng tulfo..wala namang alam sa kotse yan!

yan din ang problem ko eh..lakas lumaklak ng gasolina..haha