Ewan ko ba kung bakit parang ang laki ng galit nila kay Cesil (yung hinarana natin). Hindi ko talaga maintindihan. Parati na lang ako hinihiritan na maghanap ako ng iba, hindi kami bagay, at kung ano-ano pa. Kapag kasama ko siya plastikan pa kung mamansin. Tapos kung ano-anong parinig ang ginagawa.

*LAST SATURDAY LANG NUNG BIRTHDAY NG LOLO KO: Habang naghihintay ako dito sa bahay to fetch her nilapitan ako nung isang pinsan ko. Tinatanong kung kami pa. Sabi ko hindi na. ABA, NATUWA ANG GAGA! Makakahanap daw ako ng iba, ihahahanap pa daw niya ko, achuchuchu. Sabi ko mahal ko pa si Cesil, biglang nanlumo. Ano daw ba nakita ko dun (ano naman pakealam niya, diba?).

Nung dumating na dito si Cesil, kain kami at tsika sa mga kamag-anak na 'kakampi' (father's side ko). Dumating isa kong pinsan sabay tanong sa akin kung sino kasama ko tonight. Sabi ko si Cesil. Sagot sa akin: "KALA KO BA HINDI NA KAYO, BA'T NANDIYAN PA RIN IYAN!" Kakainis diba?
Tapos punta kami ni Kumander sa TV room nood ng pelikula ni binoy at regine. Aba paglabas namin nandoon yung isa. Nakangisi, "Tagal niyo, ha. Ano ginagawa niyo diyan?" (sarcastic).

Bakit kaya may mga taong kontrabida parati? Tahimik naman kaming namumuhay ni Cesil, ha. Hindi naman namin sila pinapakealaman.

Ano kaya magandang gawin sa mga ito? Kasi sa susunod na gaguhin na naman nila ako, I don't think I can keep it to myself anymore, eh. Makikipagsabayan na ko sa kagaguhan nila.

Advice naman peeps. Thanks.