Kotse nahulog sa lampas taong hukay.

[stickers]

"Isang kotse ang nahulog sa lagpas-taong hukay sa kanto ng G. Araneta Avenue at Victory Avenue sa Barangay Tatalon, Quezon City, bandang alas-11:00 kagabi.

Batay sa inisyal na ulat, nahulog ang isang itim na Honda City sa ginagawang hukay ng Maynilad.

Agad naman umanong nakalabas ang dalawang sakay na lalaki, matapos tulungan ng contractor ng naturang kumpanya.

Sugatan naman ang dalawang trabahador ng AC Mojares Construction na sina Henry Meñez, 32-anyos, residente ng Marilao, Bulacan; at si Jimmy Lucain, 52-anyos.

Sinasabing nasa loob ng ginagawang hukay si Meñes nang mangyari ang aksidente.

Tumusok umano sa kaliwang tagiliran ni Meñes ang bakal na panghukay at tumagos sa kanyang likuran.

Sa ngayon ay naalis na ang naturang bakal matapos operahan si Meñes sa East Avenue Medical Center (EAMC).

Samantala, nagtamo lang ng bali si Lucain at nasa ligtas nang kalagayan.

Ayon sa mga residente, ang kawalan ng early warning device sa paghuhukay ang dahilan ng pagkahulog ng sasakyan.

May nahulog na rin umanong motorsiklo sa kaparehong hukay noong isang linggo.

Giit naman ng construction company, maaaring ang pagiging mabilis ng kotse o kaya'y posibleng kalasingan ng driver ang dahilan ng aksidente. Report from Dennis Datu, Radyo Patrol 42"

source: http://dzmm.abs-cbnnews.com/news/Met...2_sugatan.html



Kabanas yung kawalang ng safety standards ng mga contractor ng kalye.. walang mga EWD.. ang mali naman ng driver (if totoo nga) is magdrive ng nakainom..