Same Spot: Twice in 2 weeks (Deja Vu) Horrifying Experience

[bunge]

Kagagaling lang namin kanina sa pagsundo sa kumander ko galing sa Alabang. Dito kami sa San Pedro umuuwi. Laging may sumasabay sa amin kaya idinadaan pa namin sya sa tapat ng bahay nila. Sa pagpasok papuntang Calendola, dumadaan kami sa may PLDT office na medyo kurbada at walang ilaw.

Noon nakaraang dalawang linggo, pagkahatid ko kay kumander papuntang Alabang at pauwi na kami ng mga bata, habang binabagtas namin ang lugar na iyon, merong isang motorsiklo (pinapormang honda extreme) na walang ilaw ang bigla na lang sumulpot sa pagpilit na mag-overtake sa isang tricycle. Hindi ako pwedeng magpreno ng biglaan dahil merong nakabuntot din sa akin na mga motorsiklo at di rin ako pwedeng kumabig sa kanan dahil tatama ako sa gutter ng creek. Pinilit pinagkasya ng mokong ang bike nya at mapalad naman na di tumama sa sasakyan ko, ng bigla na lang nakita ko sa side mirror na sumemplang ang mokong dahil di nya napansin na may humps sa tapat ng isang Christian school. Sa sobrang bilis nya kaya sa halip na tumalon ang motor ay gumewang ang manibela at naiwan ang driver na una ang puwet na nag-slide, yong motor ay palagay ko malayo ang narating dahil patuloy ang pag slide na may mga sparks. Buti na lang walang tinamaan na kasalubong. Di na ako huminto dahil meron akong mga kasamang mga bata at saka baka ako pa ang masisi. Sobrang kinabahan ako noon at 5 araw akong di dumaan sa lugar na iyon.

Kani-kanina naman sa parehong lugar din habang pauwi na kami meron na namang nangyari na ganoon, pero this time meron ng ilaw ang bike na umo-overtake. Dahil merong hump syempre babagal ako. Pero ang mokong parang didiretso na napakabilis sa direksyon ko. Huminto na lang ako sa may hump para hintayin sya na mapunta sa linya. Akala ko e babagal sya dahil may hump, na malapit na sa akin, bigla syang kumabig na talagang muntik ng makipag head on sa akin. Talagang napasigaw kami ng asawa ko at ng mga pamangkin namin, tapos kita na lang namin na yung motor e sumemplang din. pero parang nakahawak pa rin sa motor nya ang driver di tulad noong una. Dumiretso na rin kami kaagad, nanginginig sobra ang tuhod ko at halos di na ako makapag clutch. Pinagpawisan ako ng malamig at ang asawa ko e na shocked di na makapag-salita. Yong mga bata e talagang iyak. Hanggang ngayon e grabe pa rin ang kabog ng dibdib ko. Di na muna kami tutuloy ng Subic mamaya di ko kayang mag-drive.

Share ko lang ito para mag-double ingat kayo sa mga walang disiplinang motorbike drivers na akala mo Tangke ang mga sasakyan. At para narin mahimasmasan ako ng konti, talagang grabe naging takot namin ngayong gabi. Di ko alam kung makakatulog kami ni Kumander.