Sept. 19, 2010 (Linggo), 09:15am...

Mga kababayan, sa aking pagkakaalam inuumpisahan na ang pagbalasa sa mga tiwaling empleyado ng gobyerno at mga kapulisan pero marami pa din ang naglipana na mga buwaya sa kalsada at naka uniporme pa.

Ngayun umaga lang ng linggo, isa ako sa nabiktima ng mga buwayang ito jan sa may kanto ng pasay EDSA malapit sa MRT taft station. Isang naka unpormeng alagad ng batas ang nag papara sakin dahil may violation daw akong ginawa. Bilang isang mabuting mamamayan na sumusunod sa bagong alituntunin ng Pangulo na tulungan syang ibalik sa matuwid na daan tungo sa pagbabago.
Itong si unipormadong alagad ng batas na nag sasaayos ng trapiko ay bigla akong kinawayan at pinatabi. Hinihingi ang lisensya ko at at ang violation ko daw ay lumipat daw ako ng linya habang tumatakbo. So ang sagot ko eh "Pinatatabi mo ako, natural lilipat ako ng linya para di maka abala".

Hiningi ang lisensya ko at titikitan daw nya ako...ayon sa violation na sinasabi nya...eto ang nakakainis...Babayaran ko ng 1,200.00 Pesos yong violation at may seminar pa daw! Nakakamangha hindi ho ba! Paglipat ng linya sa ganung halaga at mas mataas pa sa Beating the Red Light? Yon daw ang kalakaran sa Pasay dahil ang kalahati daw ng halagang iyon ay sa kanya mapupunta! Talagang talamak ang kapal ng mukha na sabihin sakin yun...

Eto pa ang matindi...kung ayaw ko daw maabala eh bayaran na lang daw sa kanya yong violation (1,200.00 pesos). Ito ay maliwanag na EXTORTION di po ba? Napa isip tuloy ako ngaun kung totoong enforcer ba ito...dahil kahit tikitan ako...baka hindi ko na matubos ang lisensya ko. Marami ng ganyang kaso sa Pasay at talamak talaga ang makakapal ang mukha.

Sinubukan ko ngaun kung talagang buwaya ang mga ito...Nagpapa areglo ako para makuha ko lang yong lisensya at di mabigtima ng tapon lisensya modus...Hinihingan ako ng 625.00 pesos para daw sya ma areglo...hanggang sa nagbigay na ng huling presyo, 300 para daw makaalis na ako.

Maaring hindi kayo sang ayon sa ginawa ko pero kailangan gawin dahil mas mahirap mag ayos ng nawawalang lisensya at abala na ibibigay sa iyo...Dapat bang manahimik na lang o gumawa ng aksyon...Kayo na ang humusga.