CAMPI nakakuha ng kakampi




Nadagdagan ng lakas ang Chamber of Automotive Manufacturers of the Philippines, Inc. (CAMPI) sa ipinaglalaban nito ukol sa importasyon ng used vehicle sa bansa.

Kamakailan ay nagpahayag ng statement ang Joint Foreign Chambers na naghahangad din ng pagsugpo sa importasyon ng used vehicle. Sa liham ay hinikayat ng foreign investors ang administrasyon ni Pres. Gloria Arroyo na tanggalin na ang direktiba na nagbibigay ng kalayaan sa pag-aangkat ng gamit nang mga sasakyan.

Hiniling din ng Joint Foreign Chambers sa pamahalaan ang muling pag-eliminate nito sa polisiya ukol sa used vehicle importation at kumpirmahin ang koleksyon ng P500,000 specific duty na ipinapataw sa bawat imported used vehicle sa ilalim ng Executive Order no. 418.

Binigyang-diin ng CAMPI na ang panawagan ng Joint Foreign Chambers ay napapanahon sa kabila ng patuloy na pagbabalewala ng gobyerno na maipatupad ang mga batas at regulasyon na nagbabawal sa importasyon ng used at right hand-drive vehicles lalung-lalo na ang EO 156, Republic Act no. 8506 at EO 418.

Tinutukan din ng automotive industry na ang pag-aalala na inihayag ng foreign investors ay dapat bigyang-pansin sa gitna ng mga expose na ginawa ni Sen. Richard Gordon sa malawakang smuggling at under-valuation ng used vehicles na nangyayari partikular sa Subic Freeport.

"It displays an obvious inconsistency in government directions and policies being in conflict with the objectives of the Motor Vehicle Development Program under Exec. Order 156 and the intentions of EO 418," saad ng statement of support ng CAMPI sa pananaw ng Joint Foreign Chambers