IBINUNYAG kahapon ng chair ng House committee on appropriations ang 'bring your own gun policy' sa Philippine National Police (PNP) dahil umaabot sa 21,204 pulis ang walang baril habang 14,700 sasakyan naman ang kanilang kakulangan.

Sa pagdinig ng P1.053 trillion General Appropriations Act (GAA) 2004, sinabi ni Camarines Sur Rep. Rolando Andaya, Jr., chair ng komite, na dumaing ang Philippine National Police (PNP) kaugnay sa matinding kakulangan sa kanilang hanay.

Dahil dito, sinabi ni Andaya na napipilitan ang mga pulis na bumili na lamang ng sariling service pistol hindi lamang mahuli sa pagtupad sa kanilang tungkulin.

Dahil naman sa kawalan ng pasa load sa PNP, sinabi ni Andaya na mismong pulis ang nagbabayad tuwing komokontak para sa isang lehitimong operas-yon laban sa masasamang elemento.

Bukod dito, sinabi ni Andaya na ngangailangan rin ang PNP ng 48 patrol boats para sa 810 coastal towns sa bansa.

"If our population grows by 1.8 million a year, then, ideally, we have to field 3,600 more policemen," ani Andaya.

Humihirit ang PNP ng P35.6 bilyon badyet kung saan P32. 2 bilyon ang mapupunta sa suweldo ng 119,893 uniformed at 5,611 administrative support personnel
************************************************** ********
'bring your own gun policy"....pati na din bala ..tapos doon sila kukuha ng pambili sa mga kasabwat nila na sindikato..hehehe