"With Skyway, Quezon City just 6 minutes from Makati"

**mbk347** · February 16th, 2014 07:54 PM

Matinding bakbakan ito....

Matinding trapik, asahan ngayong Lunes dahil sa Skyway 3 project
By Leo Humangit, dzmm.com.ph

Uumpisahan na ngayong Lunes, Pebrero 17 ang isa sa 15 infrastructure projects ng gobyerno na nakalinya hanggang 2016.

Sa panayam ng DZMM, sinabi ni Metro Manila Development Authority (MMDA) Chair Francis Tolentino na alas-10:00 Lunes ng gabi magsisimula ang mga tauhan ng Department of Public Works ang Highways (DPWH) ng konstruksyon ng Skyway 3 project na elevated expressway na magpapaluwag ng trapik sa EDSA, Quezon Avenue, Araneta Avenue, Nagtahan, at iba pang pangunahing kalsada sa Kamaynilaan. Idudugtong din nito ang South Luzon Expressway (SLEx) at North Luzon Expressway (NLEx).

Pinaka-maaapektuhan anya Lunes ng gabi ang bahagi ng San Andres - F. Zobel bago mag-Plaza Dilao at paglagpas ng Buendia - Makati area.

"Imaginine n'yo na ang peripheral road nu'n, apektado syempre 'yun. 'Yung tukod sa likod ng Buendia papuntang Magallanes, may tama po 'yun. At 'yung Plaza Dilao papuntang Nagtahan, at pag-cross ng Buendia."

Tuloy-tuloy na anya ang paggawa 24 oras, pitong araw ng linggo kaya ibinabala ng mga awtoridad ang matinding trapik sa loob ng susunod na mahigit dalawang taon.

Sa inilabas na pahayag ng MMDA, inilista nito ang mga kalapit na establisimiyento na maaaring maapektuhan ng trapik dulot ng konstruksyon.

SKYWAY EXTENSION (Stage 3 Project)
SCHOOLS:
Balingasa Elementary School
San Jose Elementary School and High School
Sergio Osmena Sr. High School
Masambong Elementary School
Perpetual Learning Center
Delos Santos College
Betty Go Elementary School
Carlos L. Albert Hight School
University of the East Ramon Magsaysay Memorial Medical Center (University)
Central Colleges of the Phils.
Immaculate Heart of Mary College
Roosevelt Colleges San Juan
Makati College (Formerly Makati Polytechnic)
Makati Science High School
Paaralang Elementarya ng San Antonio
Paaralang Rafael Palma
Manuel A. Roxas High School
La Concordia College
Paaralang Zamora
Polytechnic University of the Philippines
Central College of the Philippines
Siena College
Mataas na Paaralang Sergio Osmena

HOSPITALS:
National Children's Hospital
Delos Santos Medical Center
Quezon Institute
San Juan Medical Center
Unciano General Hospital
St. Claire Patronage of the Sick and the Poor
Asthman, Heart, Lung Clinic
American Medical Hospital
University of the East Ramon Magsaysay Hospital
Health Center and Lying-in Clinic

"What we need is extra huge amount of patience and understanding and cooperation but once Skyway 3 is completed, it will result to faster and more convenient travel within the metropolis," ani Tolentino sa isang anunsyo ng MMDA.

Mayroon pa anyang uumpisahang mga infra projects sa Abril at sa Hunyo ngayong taon.

Sa ngayon, bahagya pa lamang na madadama ang epekto ng buena manong proyekto ngunit ang mahirap anya ay "'pag nagsabay-sabay na, dahil mayroong point in time na mag-o-overlap, magkakasabay-sabay na. 'Yun na talaga mahigpit ang trapiko."

Huling tatlong buwan ng 2014 anya posibleng asahan ang "impact" ng sabay-sabay na paggawa, tulad ng EDSA-Taft flyover at repair ng Magallanes interchange.

Dahil dito, magdadagdag ng mga traffic enforcer ang MMDA.

Sa katatapos lamang na Traffic Summit ukol sa epekto ng linya ng mga proyekto, maraming plano ang MMDA para kontrahin ito.

Ilan sa mga pinag-aaralang panukala ang pagtanggal ng window time sa color coding, ang 4-day work week at carpooling. May panukala ring "no green plate day" kung saan hindi makakadaan sa EDSA ang mga pribadong sasakyan sa loob ng isang araw.

May panukala ring gawin ang 4-day school week

Naglabas din ng website ang MMDA para ma-monitor ng taumbayan ang kontrata at update sa konstruksyon ng mga infra project.

Alternatibong ruta

Dahil sa idudulot na trapik, pinaiiwas naman ang mga motorista sa mga lugar sa Maynila.

Ayon sa Citra Central Expressway Corp. na hahawak sa Skyway 3 project, oras na simulan ang proyekto, kabilang sa isasara ang southbound inner lanes sa pagitan ng F. Torres St. at Arellano Avenue.

Para sa mga sasakyang patungo sa Maynila gamit ang Skyway-SLEX, maaaring lumusot na lamang sa Magallanes, Don Bosco o sa Amorsolo.

DZMM Radyo Patrol 630 - Silveradyo