MMDA implements campaign against jaywalking

**chua_riwap** · June 7th, 2012 03:29 AM

natawa naman ako rito.
kukunin yung sapatos at tsinelas ng mga jaywalkers?

at saka along edsa/commonwealth lang talaga implemented yung program.

Sapatos at tsinelas ng jaywalkers kukumpiskahin - Pilipino Star Ngayon » Pilipino Star Ngayon Sections » Metro

Sapatos at tsinelas ng jaywalkers kukumpiskahin

MANILA, Philippines - Kakaibang gimik ngayon ang naiisip ng Metropolitan Manila Development Autho*rity (MMDA) na nagpahayag ng posibilidad na kumpis*kahin na rin nila ang mga sapatos at tsinelas ng mga mahuhuli nilang jaywalkers upang lalong bigyan ng lek*syon ang mga ito sa tamang pagtawid sa mga lansangan.

Ayon kay MMDA Chairman Francis Tolentino, kung sadyang matigas ang ulo ng mga pedestrian na hindi matu*tuto ay hindi lang nila pagmumultahin o pada*daluhin sa mga seminar ang mga mahuhuling jaywalker kundi ay ii-impound na rin nila ang mga sapatos ng mga ito na tutubusin nila sa kaukulang halaga.

Ito’y upang mapilitang mag*lakad din nang walang sapin sa paa ang mga pasaway na lalabag sa “anti-jaywalking ordinance” upang maranasan ang pagkapahiya.

Sa datos ng MMDA, uma*bot na kahapon sa kabuuang 622 pedestrian ang hinuli ng “red boys” ng ahensya makaraang karagdagang 272 ang nadakip sa ikalawang araw ng kampanya bukod sa 350 na unang mga nahuli nitong nakaraang Martes.

Sa 272, 123 ang nada*kip sa Ortigas-EDSA; 69 sa EDSA-*Taft; 26 sa Litex Road; 34 sa EDSA-MCU; at 20 sa EDSA-Balintawak. Nasa 233 sa mga ito ang ninais na sumailalim na lamang sa 30 minutong seminar sa disaster prepared*ness habang 39 ang nagbayad ng multang P200.